[retour à un affichage normal]

Accueil > recherche > Affichage d'une occurrence en contexte

Mazarinade n° C_12_25

Image de la page

Anonyme [1652], LA NOVVELLE LIGVE FAITE A LA COVR CONTRE LE C. MAZARIN, SVR LE DESSEIN DV RETOVR DV ROY A PARIS : Depuis la defaite des troupes Mazarines. , françaisRéférence RIM : M0_2550. Cote locale : C_12_25.


dans la Cour, car aussi tost tous les Officiers
du Roy, & ceux qui ne sont point du party
de Mazarin, que par forme, se vinrent offrir à
Monsieur le Mareschal de Ville-Roy : d’autre costé
les Creatures, ou ces pretendans Visionnaires, qui
courent la bouche ouuerte apres les appas chimeriques
du Cardinal Mazarin, vinrent se ioindre audit
Mareschal du Plessis. On dit que le Cardinal Mazarin
s’alla mettre au lict d’apprehension, & commanda
qu’on ne fit parler personne à luy, cela luy fit faire
trois selles plus qu’a l’ordinaire, & mesme luy
donna quelques accez de fievre. La Reyne eut beaucoup
de peine à faire appaiser cette émotion, chacun
commençant desia dans la Cour à crier, point de Mazarin ;
& les vns aux autres se disans voila vne belle
occasion à gagner cinquante mille escus, iusques aux
petits marmitons de la cuisine, qui s’animoient l’vn
l’autre pour vne si belle entreprise.
 
Vous auez sceu comme il auoit desia auparauant
receu quelque atteinte du Marquis de Roquelaure,
& comme dans vn bal estant en peine à qui donner
son épée, il dit tout haut deuant Sa Majesté, Ie ne
sçay à qui fier mon épée, ie ne voy icy que des Mazarins,
à quoy Monsieur le Duc d’Anjou respondit,
donnez-la moy Roquelaure, ie ne suis point Mazarin :
Toutes ces petites attaques sont autant d’auertissemens
pour songer a sa conscience, mais (induratum
est cor Pharaonis) & se fie sur ce qu’vn Astrologue Italien
& Charlaran comme luy, luy a predit dans son
horoscope, que s’il passoit les derniers iours de Mars