[retour à un affichage normal]

Mazarinade n° B_13_21b

Image de la page

Anonyme [1652], LA PANDORE, OV L’ASSEMBLAGE DE TOVS LES MALHEURS que la France a soufferts dans le Ministere du Cardinal Mazarin. I. Sur son manquement de foy. II. Sur le nom de Iule Mazarin, funeste à la Chrestienté. III. Sur ses mauuais Conseils, donnez à sa Majesté. IV. Sur la necessité qu’il y a de l’éloigner des Conseils du Roy & du Ministere. V. Et sur son Ambition, aspirant à la Souueraineté. , françaisRéférence RIM : M0_2658. Cote locale : B_13_21b.

grandement Alcibiades, qui estant banny d’Athenes,
s’estoit refugié en Perse, ils firent en sorte
que les Perses pour leur satisfaction, le firent
tuër dans vne embuscade, quoy qu’ils l’eussent
receu par droict d’Hospitalité, & à cause de ce
qu’Alcibiade auoit mis toute sa confiance en la
Foy des Perses : telle est la fortune entre les hommes,
laquelle communique sa faueur ainsi qu’il
luy plaist.
 
Ce grand Capitaine estoit dans l’estime d’auoir
toutes les plus excellentes parties d’vne insigne
General d’Armée : mais aussi il estoit blasmé
d’estre ennemy de la paix & du repos, & fut Autheur
de la rupture qui se fit entre les Lacedemoniens
& les Atheniens, & de là il se disoit entre
le peuple, que s’il arriuoit que la Grece vid naistre
deux Alcibiades, elle se pourroit asseurer
de sa ruine.
Ce mal-heur n’arriua pas seul à la ville d’Athenes :
car comme estoit remplie de seditieux
les Lacedemoniens, luy donnerent trente tyrans
qui auoient tous pouuoir sur elle.
C’est ce que la France a experimenté depuis la
mort déplorable du feu Roy Henry le Grand
(d’heureuse memoire) & dans la Majorité du
deffunct Roy Louys le Iuste (que Dieu absoluë)
elle a veu monter dans le Ministere vn Alcibiades,
vn Cardinal de Richelieu, qui auoit toutes