[retour à un affichage normal]

Mazarinade n° B_4_27

Image de la page

Anonyme [1652], LA PHYSIONOMIE DE LA FRANCE, OV SE VOID LE MAVVAIS Estat auquel elle se trouue. I. Sur la perte de ses belles Conquestes. II. Sur les entreprises des ennemis Estrangers sur nous. III. Et le tout par les mauuais Conseils de ceux qui ont gouuerné & gouuernent l’Estat. , françaisRéférence RIM : M0_2756. Cote locale : B_4_27.

aux François à reprendre à moins que d’y consommer
plusieurs armées & quantité d’hommes
& d’argent, qui est maintenant rare en France,
laquelle est la plus grãde partie ruinée par cette
mal-heureuse guerre Ciuile que le Cardinal Mazarin
y entretient.
 
Que dira-on donc de la France, de se laisser
gouuerner par des Estrangers, comme si elle
manquoit de grands hommes d’Estat, nés dans
les affaires & nourris dans l’experience, qui sont
plus affaires & nourris dans l’experience, qui sont
plus que capables de gouuerner & qui de conseiller,
que des Estrangers ignorans & qui ne sçauent
autre chose que voller, ioüer & piper, & cependant
la France qui void cela, paroist bien lasche
de prostituer ainsi sa gloire, & de souffrir qu’vn
Italien leur donne la Loy & les oblige d’y
obeïr.
Que diroient nos Rois Louis XI. Charles
VIII. Louis XII. François I. Henry II. Charles IX.
Henry III. & Henry le Grand, s’ils estoient viuants ?
Permettroient ils vn Estranger gouuerner
leur Estat, voller leurs finances, ruiner leurs
peuples & exposer leur Estat à la proye de leurs
ennemis ? Ils estoient trop genereux pour tollerer
telle engeance : ils ne manquoient non
plus de grands Ministres & de fidelles Conseillers
que de vaillans Capitaines & de soldats, &
n’ont iamais laissé les Estrangers entreprendre