[retour à un affichage normal]

Accueil > recherche > Affichage d'une occurrence en contexte

Mazarinade n° C_6_56

Image de la page

Anonyme [1649], LA PIECE CHARMANTE DE CABINET DESCOVVERTE. , françaisRéférence RIM : Mx. Cote locale : C_6_56.


& raffiné leur cerueau. Ie rends leurs esprits
prophetiques, en leur faisant discourir des choses
qu’ils n’ont iamais veuës ; & pour recompense, ces
ingrats apres auoir espuisé ma substance, conçoiuent
vn desdain contre moy, qui dure iusques à ce
qu’ils voyent que mon ventre est chargé d’vn nouueau
fruict. I’aduouë bien que ce second fruict
de vie est le sujet de ma gloire, & que sans son merite
on ne me feroit point la Cour, par ce que lors
qu’il est hors de mes flancs, ie deuiens seiche & aride.
Ce fruict me sert de remede pour guerir la
teste & la poitrine des pauures voyageurs, & de
moyen pour bien faire causer les femmes, d’exciter
le soldat au combat, & l’artisan au trauail ;
c’est par sa bonne grace, que l’on veut que ie me
trouue dans les marches & dans les accords ; & le
malade dans vn lict fait plus estime de moy, que
de Galien & d’Hippocrate. D’où vient que plusieurs
me font sacrifices de langues, de iambons,
de fromages & ceruelats ? I’ay par tout du credit,
sinon dans la Turquie ; ie ne m’en estonne point,
puis que ce peuple est infidele : ailleurs mesme
dans les plus grandes festes ie suis inuitée, durant
l’Hyuer on me loge auprés du feu, sur le Printemps
à la fenestre, en Esté au valon d’vne fontaine, & en
Automne sur la table : Apollon se sert plus souuent