[retour à un affichage normal]

Accueil > recherche > Affichage d'une occurrence en contexte

Mazarinade n° C_12_42

Image de la page

Anonyme [1652], LA PIERRE DE TOVCHE, FAISANT VOIR QVE le Cardinal Mazarin & ses adherans, sont les plus grands ennemis du Roy, de son Estat, de son Peuple & de la Ville de Paris. Aux trois Estats de France. , françaisRéférence RIM : M0_2766. Cote locale : C_12_42.


ses intelligences auec les ennemis de cét Estat,
pour auec eux poursuiure son detestable dessein,
d’extirper la Monarchie Françoise, en laissant
écouler nos conquestes & empieter nos ennemis
sur cét Estat, sa perfidie a paru aux traictez qu’il
a faits, sous le nom & l’authorité du Roy, tant
auec ceux de Bordeaux que ceux d’Angers, au
Comte de Dugnon, & a quantité de personnes
de grande qualité qu’il a trompées par ses fourberies
& trahisons.
 
Il a laissé quantité de Villes & Places Frontieres
sans garnisons, ny munitions de guerre,
comme à Laon, Mezieres & Calais, a fallu
que les Habitans ayent pris leurs deffenses à leurs
frais & despens, pour se garder contre les ennemis.
Il a eu les François en tel mépris, qu’il les a
fait oster d’auprés du Roy, pour faire garder sa
personne Royale par des Italiens, Polonois &
autres Estrangers, afin de disposer entierement
de son authorité, priuant le Roy de la liberté
d’agir & defaire le Roy.
Il veut que le Conseil, qui est le sien, & qui
n’a iamais gardé de mesures ny de formalitez,
qui depuis trente ou quarante ans, n’a suiuy que
la fantaisie de deux ou trois personnes sans Foy,
sans Loy, & qui n’ont fait agir nos Rois que suiuant
leur caprice & leur ambition, cherche