[retour à un affichage normal]

Accueil > recherche > Affichage d'une occurrence en contexte

Mazarinade n° C_6_61

Image de la page

Anonyme [1649], LA POVRPRE ENSANGLANTEE. , françaisRéférence RIM : M0_2836. Cote locale : C_6_61.


& son cœur. Ne m’est-il pas donc permis
de luy dire ce qu’vne grande Reine autrefois
disoit à Assiusus, rassasie toy de l’or
& du sang que tu as desiré d’auoir auec
tant d’ardeur, empourpré non seulement
ton cœur de nos funerailles, mais fais en
teindre encore la robbe, que ton bonnet
en exclatte, que ton manteau te serue comme
d’vn ruisseau pour te baigner dans le
sang. Mais il me semble que ie rencontre
quelque sorte de consolation dans mon desespoir,
car ce qui me sert maintenant d’obiet
pour me faire plaindre & souspirer iustement,
c’est que i’apperçois sur d’autres espaules
vne pourpre plus riche & plus esclatante,
qui doit quelque iour seruir à nous
soulager. Et comme dans la medecine bien
souuent ce qui nous a fait le mal, sert à nous
guerir, aussi peut-on croire auec vne assez
iuste raison qu’vne pourpre incomparablement
plus benigne que celle cy n’est nuisible,
doit apporter du soulagement à nos
maux, & par vne antipatie admirable elle
nous fera recouurir ce que nous auions perdu
miserablement. Ou bien plustost ie veux