[retour à un affichage normal]

Accueil > recherche > Affichage d'une occurrence en contexte

Mazarinade n° B_13_34

Image de la page

Anonyme [1652], LA PRISE D’VN CONVOY DE CINQVANTE chariots chargez de bleds & farines. AVEC LA DEFAITE DE DEVX cens Caualiers des Mazarins, qui le conduisoient. Par cinq cens Maistres de l’armée des Princes, qui sortirent de la Ville d’Estampes. , françaisRéférence RIM : M0_2869. Cote locale : B_13_34.



Dequoy l’armée des Princes qui est à
Estampes, ayant aduis, font iournellement
sortir des parties de caualerie pour aller surprendre
les coureurs des lieux où les Mazarins
sont logez, afin de leur oster la commodité
des viures, comme ils ont fait Mercredy
dernier vingt-deuxiesme May, sur
vn Conuoy de bleds & farines que ceux de
Corbeil (pour la bonne intelligence qu’ils
ont auec ceux de Palaiseau) leur enuoyoient.
Pour ce subjet cinq cens caualiers sortirent
d’Estampes dés les quatre heures du matin,
se rendirent entre Rie & Corbeil, pour attendre
ce Conuoy de viures mis en cinquante
chariots, & conduits par vne Caualerie
de deux cens cheuaux ou enuiron, faisant
partie de la garnison qui y est establie,
pour l’escorter iusques dans le Bourg de Palaiseau,
suiuant l’ordre qu’ils en auoient, ne
croyant pas faire aucune rencontre, d’autant
qu’ils estoient proches des trouppes
qui sont à Villejuifue & à Chastres.
Nostre Caualerie ayant esté aduertie par