[retour à un affichage normal]

Accueil > recherche > Affichage d'une occurrence en contexte

Mazarinade n° B_13_12

Image de la page

Anonyme [1652], LA PRISE D’VN CONVOY DE CINQVANTE chariots chargez de bleds & farines. AVEC LA DEFAITE DE DEVX cens Caualiers des Mazarins, qui le conduisoient. Par cinq cens Maistres de l’armée des Princes, qui sortirent de la Ville d’Estampes. , françaisRéférence RIM : M0_2869. Cote locale : B_13_12.


ses coureurs, que le Conuoy estoit sorty de
Corbeil sur les 7. heures du matin dudit iour
vingt-deuxiéme May, & le nombre des Caualiers
destinez pour le conduire. Sur quoy
cette Caualerie de cinq cens cheuaux se mit
en trois gros pour les enfermer, comme ils firent,
& de fait ayant laissé ce Conuoy & son
escorte au millieu de ces trois gros, il se vid
aussi-tost enfermé de tous costez, deuant &
derriere, la caualerie de l’escorte se mit en
deffense, mais ne pouuans resister à l’effort
des nostres, qui les tenoient inuestis, & les
chargeoient en flanc & à dos, ils abandonnerent
ce Conuoy à la proye de nos Caualiers,
desquels il y eut quatre vingts des leur
tuez sur la place ; & le reste furent faits prisonniers.
Ce Conuoy fut prins auec les chariots,
cheuaux & voicturiers qui les conduisirent
à Estampes soubs bonne escorte.
 
Quelques Paysans des enuirons de Corbeil,
furent commandez de venir auec des
charettes sur lesquelles ils mirent les corps de
ces caualiers qui auoient esté tuez, pour les
emmener à Corbeil.