[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


& pour luy donner plus d’authorité dans le
Conseil où il fut appellé, & dans les charges
dont il se deuoit mesler à l’aduenir, le Roy le
voulut honnorer du Chapeau de Cardinal. A
ce suiet sa Maiesté enuoya à Rome : mais sa
Sainteté estant bien informée de l’execrable
procedé que Mazarin auoit fait dans Cazal, ferme
l’oreille à la demande qu’on luy faisoit en
faueur d’vn homme si funeste à toute la nature.
Et pour faire voir au Roy que ce refus ne
tendoit aucunement à des-obliger sa Maiesté,
il le coniure de choisir celuy qui luy plairoit
d’entre tous ses subiets pour luy donner ce qu’il
desnioit à l’autre auec tant de iustice : Mais que
pour Iule Mazarin, sa Sainteté prioit le Roy de
l’en dispẽser, veu qu’il estoit si pernicieux à tout
l’Vniuers, & qu’il estoit la cause principale
de toutes les plus sanglantes guerres de l’Europe.
Il est vray que sa trahison aigrit si bien les
affaires, que du depuis le Roy de France & le
Roy d’Espagne, ne se sont iamais peu resoudre
à faire la paix, quelque propositions qu’on
ait sçeu faire de part & d’autre pour la cõclure.
 
Neantmoins le Cardinal de Richelieu, qui
auoit enuie de se seruir de ce fourbe en beau-d’affaires,
fit si bien pour cet Espagnol reuolté,
qu’il porta le Roy à prier encore pour vne secõde
fois sa Sainteté auec tant d’instance, que le