[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


& en son absence nostre tres cher & tres-aimé
le Prince de Condé & le Cardinal Mazarin
soient chefs dudit Conseil, selon l’ordre qu’ils
sont icy nommez, sous l’authorité de ladite
Reine Regente. Et en outre nous desirons que
ladite Dame Reine Regente Mere de nos enfans,
suiue au choix qu’elle fera, pour remplir
les dignitez Ecclesiastiques, l’exemple que
nous luy en auons donné, & qu’elle confere auec
l’aduis de nostredit Cousin le Cardinal Mazarin,
auquel nous auons fait connoistre l’affection
que nous auons, que Dieu soit honnoré
en vn choix de cette importance.
 
Voilà certes vne Declaration bien authenthique
& bien forte pour le maintenir en la supresme
grandeur où la fortune l’a esleué par
dessus le reste de ceux qui pouuoient legitimement
pretendre à des honneurs si sublimes que
les siennes. Vne Declaration comme celle là,
faite par le plus iuste de tous les Roys de l’Vniuers,
& authorisée par le plus Auguste Parlement
du monde, doit estre s’il me semble inuiolable,
& d’vne nature permanente. Qui se
pouroit opposer à cela sans renuerser les loix,
sans choquer la volonté du Souuerain, & sans
vouloir destruire ce qu’il y a de plus saint & de
plus venerable dans la societé des hommes ?
Outre celà, ne fut-il pas declaré l’vn des executeurs
du testament de ce grand Prince ? Outre