[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

sont les fruits de nos prodigieuses actions, &
de nos illustres victoires. Et tout cela se faisoit
pendant le Ministere de Mazarin, pour en
honnorer sa conduite. Il sçait les intentions
de l’Empereur, du Roy d’Espagne, du Duc de
Sauoye, & du Roy de France ; vn chacun fie
à sa foy les secrets de l’Estat, outre que par les
lumieres dont la nature l’a pourueu, il en penetre
beaucoup d’autres, selon Baudir en son
Histoire du Mareschal de Toiras, parlant de
l’accord negocié entre le Roy de France & le
Duc de Sauoye. S’est il passé quelque chose
depuis la Regence iusques au iour de sa disgrace
qu’il n’ait ménagée, ou qu’il n’ait tasché
de demesler à sa fantaisie ? se faisoit il aucun
conseil ny aucune conference où il ny fut reçeu
pour vn Oracle ? En maniant nos affaires
ne manioit-il pas toutes les affaires de l’Europe ?
N’estoit-ce pas luy qui élisoit & qui instruisoit
les Ambassadeurs, & qui donnoit des
Arrests definitifs pour l’execution des resolutions
qu’il auoit prises ? Ne s’estoit il pas rendu
maistre absolu de la guerre & de la paix,
& des armées que l’on enuoyoit tous les ans
aux quatre coins de la terre ? en pillant tous
les tresors de l’Estat, n’estoit-il pas deuenu le
plus riche & le plus opulent Seigneur de l’Europe ?
& finalement, ne vouloit-il pas attenter