[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

à la personne des Princes du Sang Royal, &
à la vie des plus illustres Senateurs du premier
Parlement de France ? Mais Dieu qui se lasse
aussi bien que la fortune, de voir qu’vn homme
ne fait qu’abuser des dons qu’il luy fait, le
remet en son premier neant, en le faisant choir
de la cime de ses grandeurs au centre de ses
disgraces. Si vous ne conduisez pas les affaires
du monde selon mes loix, dit Dieu parlant
vniuersellement à tous les hommes, en parlant
aux Israëlites ; Ie vous feray tresbucher deuant
vos ennemis, & ie vous puniray iusques à la
mort sans qu’aucun vous poursuiue.
 
Saul fut bien chassé de ses Estats pour auoir
voulu tyranniser le peuple ? Ozias fut bien demis
de sa Royauté, pour auoir voulu vsurper
l’office Sacerdotal ? & Aman aussi chery du Roy
Assuerus que Iule Mazarin le sçauroit estre de
nostre Auguste Princesse, fut bien cloué à la
Croix qu’il auoit preparé à la mesme innocence ?
& ce tyran de toutes les finances de Frances,
estant coulpable de tous ces crimes &
plusieurs autres qui ne sont pas moins enormes,
sçauroit il éuiter d’estre puny selon la
grandeur de ses demerites ?
Mais que nous sert cela de rapporter icy des
exemples de cette nature, puis que c’est vn
homme qui ne croit pas en Dieu, & moins