[retour à un affichage normal]

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.

Le Mercredy vingt huictiesme iour du
mois d’Aoust de l’année mil six cents quarante-huict,
il fait arrester Monsieur de Broussel &
Monsieur le Nain Conseillers au Parlement de
Paris, au sortir du Te Deum, qu’on venoit de
chãter en l’Eglise Nostre-Dame, pour la quatriesme
bataille que Monsieur le Prince auoit
gagnées en Flandres, à cause qu’ils auoient representé
à leurs Maiestez la misere du peuple,
durant qu’il auoit voulu tyranniquement imposer
quelques subsides sur eux, & sur tout le
reste du peuple. C’est pourquoy tout le monde
prit les armes, & faisant tendre les chaisnes
par toute la ville ; on fut contraint de les rendre.
Le Regiment des gardes & les Suisses furent
obligez de se retirer, & peu s’en falut qu’il
n’y eut vn estrange massacre. Et si Messieurs
du parlement n’eussent apporté l’ordre qu’ils
apporterent à pacifier l’emotion des peuples,
il y eut eu grãde quantité de mõde defait, sans
aucune espece de misericorde. Et si apres tout
cela la Reyne fut comme contrainte de les en
remercier, de protester qu’elle tenoit à faueur
toutes leurs procedures.
Qui est-ce qui auroit pû soupçonner apres
cela quelque chose de funeste si la suitte ne
nous l’eut appris à nostre preiudice ? Peu de
temps apres on mene le Roy à Saint Germain