[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


pendant & apres le Blocus de Paris, comme
à l’autheur de tous nos desordres ? Est-ce
l’a estre bien reconnoissant en faueur d’vne
ame si genereuse que la sienne, que de vouloir
rendre criminel de leze-Majesté quelque
innocent qu’il fut en disant qu’il n’aspiroit
qu’à la Souueraineté par le nombre infini des
demandes qu’il faisoit à leurs Majestez des
Gouuernemens & des places ? Estoit-ce vne
necessité qu’il te falut monstrer ingrat pour te
maintenir, ou reconnoissant pour te perdre.
On void bien par l’à que l’ingratitude & l’ambition
est le plus pernicieux de tous les vices
dont l’homme puisse estre capable. Celle d’Alexandre
estoit si grande, que la conqueste de
toute la terre habitable lui sembloit trop petite
pour la satisfaire. Et celle du Cardinal
Mazarin ne se pouuoit pas conter de trancher
du Souuerain, & de disposer des affaires de toute
l’Europe. Il falloit attanter à la personne des
Princes du sang, & à l’honneur de ceux qui
l’auoient maintenu dans ses dignitez, contre
toutes les conspirations que le Ciel & la terre
auoient faites pour le perdre. Si Monsieur le
prince n’est soubçonne du crime de leze Majesté
que pour auoir pretendu à des dignitez
qui estoient grandement au dessous de luy, il
n’est criminel que pour auoir demandé ce