[retour à un affichage normal]

Accueil > recherche > Affichage d'une occurrence en contexte

Mazarinade n° C_11_16

Image de la page

Anonyme [1651], LA PROSPERITÉ MAL-HEVREVSE OV LE PARFAIT ABREGÉ DE L’HISTOIRE DV CARDINAL MAZARIN, OV SE VOID TOVTES LES RVSES ET toutes les Fourberies dont il s’est seruy pour arriuer au feste de la progieuse fortune où il s’est veu. AVEC VNE RELATION DE TOVTES les causes de sa disgrace. , françaisRéférence RIM : M0_2925. Cote locale : C_11_16.


qu’il croyoit qu’on ne luy pouuoit pas refuser
auec iustice apres auoir mis les affaires de l’Estat
au plus haut poinct où elles pouuoient
estre mises. Si monsieur le Prince n’est soubçonné
de pretendre à la Couronne que parce
qu’il à des places & des gouuernemens, la
France a donc bien quantité de criminels
comme luy puis qu’il se trouue quantité de
personnes qui ont la mesme chose. Prends
garde à toy si tu veux bien faire, le temps viendra
que tu te repentiras d’y auoir procedé de
la sorte.
 
Pendant l’emprisonnement de Messieurs les
Princes, le peuple ne demande plus que la
Paix generale, ce perfide la leur refuse à son
preiudice : car s’il l’eut faite il se mettoit à couuert
de toutes les disgraces qui luy sont arriuées
en suitte. Au contraire il minute la perte
de la ville de Bourdeaux pour mieux faire
éclatter sa puissance : mais auparauant que
d’aller là, il faut qu’il tasche de se mettre bien
dans l’esprit du peuple. O l’estrange Politique !
il veut perdre le peuple, & se veut mettre bien
auec le peuple, ie ne puis pas comprendre
comment est-ce que celà se peut faire, à moins
que de les sçauoir mettre dans vne diuision irreconciliable.
Ce qui est bien difficile veu le
temps où nous sommes, & apres leur auoir fait