[retour à un affichage normal]

Mazarinade n° A_8_46

Image de la page

Anonyme [1649], LA RENCONTRE INOPINÉE DE MARS ET DE VENVS DANS LE COVRS DE LA REYNE, ARRIVEZ NOVVELLEMENT EN FRANCE. PREMIER ENTRETIEN. , françaisRéférence RIM : M0_3348. Cote locale : A_8_46.

& par tout où ie me faisois voir i’auois des captifs & des esclaues
à ma suitte. I’auois en tous les lieux du monde des
Temples, des Autels, des sacrificateurs, des victimes aussi
bien que vous, & toutes les plus celebres Villes du monde
estoient consacrées à mon seruice, comme toutes les beautés
les plus parfaittes & les plus accomplies, ne se faisoient
connoistre, craindre, ou adorer que sous le nom de Venus.
Quelque excellent Peintre vouloit il s’acquerir de l’estime,
& faire paroistre la d’exterité de son pinceau, il depeignoit
vne Venus : les plus habilles Sculpteurs, Graueurs, Architectes,
ne s’estudioient qu’à bien representer les lineamens
de mon visage, & leurs trauail passoit pour vn chef-d’œuure,
lors qu’il approchoit de l’idée de mes perfections, & que
la coppie auoit quelque rapport auec l’Original ; les plus
grandes Princesses se faisoient nommer de mon nom, &
croyoient auoir beaucoup de perfections, quand elles en
auoient quelques-vnes des miennes. Pour lors ie suis mesprisée
d’vn chacun, & les filles les moins sages n’oseroient
porter mon nom, de peur qu’on les croye desbauchées, &
qu’à l’exemple de leur Maraine, elles ne contractent de
mauuaises habitudes au vice.
 
Mars.
Madame, c’est donc la raison & le motif qui vous ont
fait refugier en ces lieux, voyant qu’aux autres vous y estiez
fort mal receuë. Ie vous iure que c’est par ces mesmes raisons
que ie me suis retiré en ces contrées, & que ie cherche
quelque abry, ou pour le moins ie ne sois pas mal receu ; ie
n’ay plus de creance parmy les Princes Chrestiens, aussi bien
que les Turcs, & les Infidels, & les vns comme les autres
sont tellement lassez des fatiques & des incommoditez de
la guerre, qu’ils desirent tous auec passion vne paix generalle,
& qu’ils fremissent de rage ou de desespoir, lors qu’ils entendent
seulement le cliquetis des armes, ou le bruit importun
des tambours.
Cypris.
Diuinitez adorables, quels sont vos entretiens, & de quoy
parlez-vous ? suis-je si mal-heureuse, ou si peu considerée de
vos grandeurs, que ie puisse estre admise dans la familiarité