[retour à un affichage normal]

Mazarinade n° C_9_59

Image de la page

Anonyme [1649], LA RENCONTRE INOPINÉE DE MARS ET DE VENVS DANS LE COVRS DE LA REYNE, ARRIVEZ NOVVELLEMENT EN FRANCE. PREMIER ENTRETIEN. , françaisRéférence RIM : M0_3348. Cote locale : C_9_59.

faire des esclaues, où elles s’entretiennent des moyens de
perdre leur chasteté auec addresse ; & où elles apprennent à
faire l’amour, sans estre estimées deshonnestes.
 
Mars.
Diuinité victorieuse des hommes & des dieux, vous auez
sujet de me demander pourquoy ie me trouue icy en la compagnie
de vous autres Deesses, & comment i’ose paroistre
dans l’Empire d’Apollon ; où l’on ne parle que de resiouyssance,
de festins, de banquets, & où l’on n’entend que des
concerts de Musique : Moy qui ay accoustumé de me rencontrer
ordinairement parmy les fanfarres, les tambours,
les trompettes, les bruits de la guerre. Mais ô Diuinité que
i’adore, & que ie respecte : Escartons nous ie te prie dans le
fonds de cette allée couuerte, & m’octroye cette grace par
ta bonté que librement ie te puisse descouurir les sentimens
de mon cœur, les desplaisirs de mon ame, les regrets, les
transports, les inquietudes de mon esprit abbatu, & affligé
de mille tourmens.
Venus.
Grand Prince ! Comment n’apprehendez-vous pas dauantage
la perte de mon honneur ? ne sçauez vous pas que
la conuersation d’vne femme auec vn homme est tousiours
suspecte ? bien qu’elle soit innocente, qu’elle est tousiours
dangereuse encor qu’elle soit sans mauuais dessein, que les
impertinens la condamnent comme criminelle, & que les
plus sages ne la peuuent approuuer. Que dira on si quelqu’vn
me rencontre seule auec vous, sinon que nous nous
seruons des auantages de la nuict pour traitter de nos
amours ? Que nos passions ne peuuent supporter la lumiere
du iour ? & quelles sont trop scandaleuses pour estre exposées
à la veuë du monde. Espargnez, ie vous prie, vne personne
qui vous est chere, & que vous ne pouuez offencer
sans encourir du blasme, & vous rendre odieux. Ne donnons
point sujet de nous soupçonner en vn pays où nous
sommes inconnus, & où nous ne passons que pour des
Estrangers.