[retour à un affichage normal]

Mazarinade n° C_9_62

Image de la page

Anonyme [1649], LA RENOMMEE DE MONSIEVR LE MARESCHAL DE TVRENNE. , françaisRéférence RIM : M0_3350. Cote locale : C_9_62.

crie que c’est luy qui vient.
 
Enfin on n’entend prononcer que le nom de Monsieur
de Turenne, & il semble que ce soit vn foudre
dans nos bouches assez puissant pour vaincre tous nos
ennemis : Tout Paris d’vne voix publie que nous n’auons
plus rien à craindre, puis que ce grand Guerrier
est de nostre party : que s’il peut joindre vne fois ses
troupes aux nostres, l’ennemy de l’Estat est perdu, &
nous sommes sauuez : que puis qu’il vient de si loin
pour seruir la France, il ne le fera point à demy : que ce
grand courage brusle, & ne peut estre tiede dans la
querelle de son Roy : qu’il apporte vn Cœur inuincible
dans vn Corps infatigable, animé par vne Ame pure &
ardente, & conduit par vne prudence incomparable
qu’il ameine vne Armée aguerrie & victorieuse, pleine
de zele pour son Prince & son General, & de haine
pour nostre ennemy. Vne Armée qui se ressouuient
que cét infame Pilleur du Royaume luy a volé toutes
ses monstres & sa subsistance, & qu’il n’a pas tenu à
luy qu’elle ne soit perie il y a long temps. Auec des
forces de tous costez si bien animées & si bien instruites,
personne ne peut douter, que la victoire ne se prepare
de venir à nous, & d’abandonner nos ennemis.
Chacun s’imagine desia voir les passages ouuerts, &
les viures entrer dans Paris auec tant de foule, que l’abondance
les fait mespriser autant qu’on les a recherchez :
les plus affamez s’enquerans, s’il faudra souffrir
que tous entrent, & laisser embarrasser les ruës d’vn
nombre infiny de chariots de bleds & de farines, de