[retour à un affichage normal]

Accueil > recherche > Affichage d'une occurrence en contexte

Mazarinade n° D_2_18

Image de la page

Anonyme [1648], LA REQVESTE DES TROIS ESTATS PRESENTEE A MESSIEVRS DV PARLEMENT. , françaisRéférence RIM : M0_3494. Cote locale : D_2_18.


qui a esté vallet en diuers endroits à Rome, apres y auoir seruy
mesmes dans les plus abominables desbauches de ce pays-là,
& s’estãt poussé par ses fourbes, plaisanteries & intrigues, de tel
action est venu en France où il s’est introduict par les mesmes
moyens dãs l’esprit de ceux qui gouuernoiẽt, lequel l’ont auãcé
pour leur seruir d’espion, & du ministere pour leur intrigues particulieres
& auec le temps s’est rendu fort puissant sur l’esprit &
sur le conseil de la Royne, tenant hautemẽt tous les grands du
Royaume sans qu’on ayt recognu pendant ce temps d’autre
autorité à la Cour, & dans toutes les affaires du dedans & du
dehors que la sienne, au grand scandale de toute la maison
Royalle & de toute la France, & à la derision mesmes des nations
estrangeres, qu’aussi depuis six ans il a plus fait de mal, de
degast & de rauage que les plus cruels ennemis ny sçauroient
faire, s’il y estoient venus à main armée & vainqueurs : car il a
disgracié, banny & emprisonné sans suiet ny forme de iustice,
les Princes, Officiers de la Couronne, & Cour de Parlement, les
grands Seigneurs & les plus seruiteurs des & Roys des Princes
faict mourir quelqu’vns d’iceux par poison, entre autre le President
Barillon, faisant passer pour crime d’estre trop affectionné
au seruice du Roy, & au bien de l’estat, il n’a aupres de luy
que des gens tres meschans, sans honneur & sans foy, traistres,
concussionnaires, impies, & athées, s’est attribué la charge de
gouuerneur du Roy, pour le nourrir à sa mode, & l’empescher
de la compagnie des choses necessaires a bien regner, afin
de demeurer tousiours son maistre, luy insinuer des sentimens
d’auersion contre les gens de bien, contre ses Parlemẽs & contre
ses bõnes villes, de peur qu’ils ne s’approchent vn iour pour
luy faire cognoistre la verité du malheureux estat ou il les veut
reduire, il a corrompu ce qui estoit de candeur, de foy de bonne
mœurs dedans la Cour, par des artifices fourbes, & perfidies,
y a par son exemple mis en regne les berlans & ieux de hazard,
qui sont les ruines des plus grandes maisons, & autoriser l’impudicité
& rauissement, dont il s’est plus veu d’exemple notables
depuis qu’il ne s’en estoit veu depuis cent ans, a osté les