[retour à un affichage normal]

Mazarinade n° C_9_14

Image de la page

Anonyme [1650 [?]], CAVSES DE RECVSATION contre Monsieur le Premier President, Mr de Champlastreux son fils, leurs parens & alliez au degré de l’Ordonnance. , françaisRéférence RIM : M0_656. Cote locale : C_9_14.

mains de Monsieur le Procureur General, pour en
informer. Cette iournée a encore produit vne autre
excuse de recusation à l’esgard du sieur Ioly :
car s’estãt plaint de tous les Rentiers, des hommes
armez, qui auoient paru dans la maison de mondit
sieur le Premier President, Monsieur de Champlastreux,
accompagné de cinq ou six hommes
d’espées, le mal-traita de paroles, & luy dit, qu’il
seroit bien-tost son Iuge ; tellement que Monsieur
le Premier President se trouuant nõ seulement interessé
de son chef, mais encore de celui de son fils,
qui a eu querelle auec quelques vns des accusez, il
ne seroit pas raisonnable qu’il fust encore arbitre
de l’honneur & de la reputation de ceux qu’il pretend
s’estre esleuez contre ses enfans & contre lui,
en demandant iustice de la violence qui leur auoit
esté preparée dans son logis.
 
Cependant l’on pretend renuerser tous les moyens
de recusation dans vn seul fait, suffisant dans
les affaires moins importantes, seul pretexte que
Monsieur le Premier President n’est point partie
formelle, & que la poursuite se fait seulement sous
le nom de Monsieur le Procureur General.
Mais les accusez peuuent dire que c’est vne illusion
à l’Ordonnance & à la Iustice. Premierement
il ne faut point estre partie pour estre recusé, les
parties formelles ne le sont iamais, la raisõ est qu’il
faut necessairement trois personnes, qui cõposent