[retour à un affichage normal]

Accueil > recherche > Affichage d'une occurrence en contexte

Mazarinade n° B_7_43

Image de la page

Anonyme [1652], LA SINCERITE ET NOVVELLE VNION DE MESSIEVRS LES PRINCES, LEVRS ZELE ET DEFFENCES pour la conseruation de l’Estat & repos de la France. Fait ce 14. May 1652. , françaisRéférence RIM : M0_3676. Cote locale : B_7_43.


c’est donc à vous à prendre courage aussi bien
qu’eux, & de ne pas vous assommeiller au nuisible
chant de telles Syrenes que celles de S. Germain en
Laye, elles n’vse que de foibles charmes, pour endormir
ceux qui passent deuant eux ; Elles peuuent arrester
& deuorer tous les hommes, horsmis les Vlisses, qui
sçauent fort bien cognoistre leur naturel. Il suffit de
vous dire cecy comme en passant : mais il vous faut
faire cognoistre la verité, afin de vous esloigner du
mensonge.
 
7. Sçauez-vous bien que les Libels de Sainct Germain
en Laye, vous sont beaucoup plus preiudiciables,
que ceux qui se font à Paris : L’on vous conte des sornettes
pour vn recit veritable ; Ils vous disent bien qu’à
Estampes il y a eu des gens des Princes deffaits iusques
à trois cens : mais ils n’ont pas mis, Que deux Regimens
d’Infanterie & vn de Caualerie y ont esté entierement
destruits : Ils se glorifient de ce qu’ils se sont
emparez de deux passages, sçauoir sainct Denis & S.
Cloud, mais ils ne font aucune mention de celuy du
Port Neuly, tres aduentageux pour vous, que nous tenons :
Ils nombrent quantité de combats ou escarmouches
qui l’ont faite contre vous au Pont S. Cloud :
Il y en a des nostres vne si prodigieuse quantité demeurés
sur la place, qu’il vous est impossible d’en
trouver seulement deux ou trois tués, & 10. ou 12.