[retour à un affichage normal]

Mazarinade n° A_7_16

Image de la page

Anonyme [1649], LA SVBTILITE DV CARDINAL MAZARIN DESCOVVERTE SVR LA CONFERENCE FAITE A RVEL POVR LA PAIX. , françaisRéférence RIM : M0_3721. Cote locale : A_7_16.

proposer, de me laisser demeurer en France
en quelque lieu esloigné, d’où pourtant ie pourray
tousiours auoir communiquation auec la
Reyne, & les principaux Ministres, & ordonner
parce moyen des principales affaires de l’Estat,
comme si i’estois à la Cour, en attendant qu’auec
le temps ie puisse m’y restablir iusensiblement.
 
Cét éloignement me sera veritablement vn
peu fascheux, mais aussi par ce moyen, i’obtiendray
infailliblement que les Arrests qui ont esté
rendus contre moy demeureront nuls, en attendant
que ie puisse faire restablir mon honneur
par des plus amples Declarations, & me vanger
hautement de ceux qui s’en sont pris à moy auec
tant d’aigreur : Cependant, i’auray cét aduantage
que les Bourgeois de Paris mettront bas les armes,
& que ie pourray reduire à mon party, sous
pretexte du seruice du Roy, les trouppes qu’ils
ont leuées, & celles qui viennent à leur secours,
pour m’en seruir apres contre eux mesmes ; apres
quoy il n’y a pas apparence que iamais ils en reuiennent
à leuer des nouuelles trouppes en quel
estat que ie les puisse reduire, l’ardeur du malin
peuple s’estant infailliblement r’alentie par la
necessité du pain, qu’ils ont souffert depuis deux
mois, & parles contributions qu’ils ont esté obligez
de payer pour la leuée & la subsistance de
leurs troupes.
Cependant aussi, i’auray moyen de faire retirer