[retour à un affichage normal]

Mazarinade n° A_7_16

Image de la page

Anonyme [1649], LA SVBTILITE DV CARDINAL MAZARIN DESCOVVERTE SVR LA CONFERENCE FAITE A RVEL POVR LA PAIX. , françaisRéférence RIM : M0_3721. Cote locale : A_7_16.

les deniers du Roy qui ont esté arrestez par
tout de l’authorité du Parlement, & me deffaire
par force, ou par adresse, des Chefs qui auoient
accepte le commandement de leurs trouppes,
aussi bien que de ceux du Parlement, ou de l’Hostel
de Ville, qui ont arresté auec plus d’ardeur le
progrez de mes desseins, ce qui ne me sera pas
beaucoup difficile, si ie puis les des vnir les vns
d’auec les autres, & pour cet effect, moyenner
vn Traitté particulier du Parlement, sans y comprendre
l’interest des Generaux : Car se croyans
ainsi abandonnez du Parlement, ils ne seront
plus si prompts ny si faciles à espouser leur querelle,
& à entreprendre la protection du Peuple,
lequel apres se perdra luy mesme dans ses propres
confusions.
 
Et qui plus est, i’auray cependant le moyen de
faire instruire & eleuer le Roy par des Gouuerneurs
qui me seront affidez, & qui luy inspireront
continuellement des sentiments de haine &
de vengeance contre le Parlement & la Ville de
Paris, afin que quand il sera maieur, non seulement
il me souffre en sa Cour, mais aussi me conserue
tousiours pour son premier Ministre. Apres
quoy, ie ne manqueray point de pretextes, & de
moyens pour abbatre le Parlement par l’authorité
du Roy, & me vanger de tous ceux qui ont
esté assez hardis que de s’en prendre à mon honneur,
& à ma personne, si ie ne le puis faire