[retour à un affichage normal]

Accueil > recherche > Affichage d'une occurrence en contexte

Mazarinade n° B_12_30

Image de la page

Anonyme [1652], LA TRAHISON DES MAZARINS DESCOVVERTE PAR MESSIEVRS LES PRINCES. , françaisRéférence RIM : M0_3791. Cote locale : B_12_30.


exemple, & qui doit rendre sa vertu immortelle
à la posterité. Voyant rapporter, vn Officier
blessé, & s’estant enquis quel il estoit, ayant apris
que c’estoit le Lieutenant du sieur de Clinchamp,
Elle luy fit donner vne somme considerable,
& recommanda d’en auoir soin. Certes
voila qui sent plustost l’Alexandre que l’Elizabeth.
Enfin ce n’est pas sans raison qu’elle est
estimée la plus excellente Princesse du Monde,
puis qu’outre toutes les vertus d’vne sage Princesse,
elle a encore en elle toutes les vertus du
plus grand Prince du monde.
 
Messieurs les Mazarins furent bien estonnez,
de n’auoir sceu joüer leur tragedie, il leur
fallut ployer. Ils croyoient se preualoir du petit
nombre des gens de Monsieur le Prince : mais
sous vn tel Heros, vn soldat en vaut trois. Ce
qu’ils ont bien fait voir aux troupes du Mareschal
de Turenne, tout Grand Capitaine qu’il
soit. N’estoit-ce pas vne cruauté sans exemple,
de faire perir par leur perfidie les plus braues
gens de tout le Royaume, qui pourront vn iour
en conquerir de nouueaux à sa Majesté, apres
que le Ciel l’aura inspirée d’esloigner celuy qui
fait pencher sa Couronne, & ruiner le plus bel
Estat de l’Europe. Faire perir des Princes du
sang de Bourbon, qui est plus dire que du sang
des Cesars, pour receuoir vn Ministre Estranger,