[retour à un affichage normal]

Mazarinade n° C_5_45

Image de la page

Anonyme [1649], LA TRES-ELOQVENTE HARANGVE FVNEBRE QVI FVT PRONONCEE PAR LE P. LEON CARME, A L’ENTERREMENT DV PERE IOSEPH CAPVCIN, Fort entendu & employé aux affaires d’Estat aupres du Cardinal de Richelieu. Sacramentum Regis abscondere bonum est opera autem Dei reuelare & confiteri honorificum est. , français, latinRéférence RIM : Mx. Cote locale : C_5_45.

La loy des Thebains deffendoit de bastir vne maison,
qu’auparauant le seigneur n’eust dresse tout proche
son monument. Messieurs & Dames, qui auez
tant de pensées, & souuent iniustes, souuent iniques
& cruelles, pour accroistre vos familles & establir vos
maisons, que ne commencez vous par celle du sepulchre ?
Car la mort, dit Seneque, est vn tribut & vn
deuoir de la Nature, Mors tributum officiumque mortalium.
Les peuples d’Orient pour tout Oracle consultoient
les sepulchres de leurs peres. Escoutez (M) le deffunct
P. Ioseph rendra la méme responce que cet Ancien ; lequel
interrogé de ce qu’il auoit d’auantage admiré parmy
les pompes & les magnificences d’vn triomphe
Romain, repartit fort sagement, Id tantum mibi placuit
quod didici, & Roma quoque homines mori. Rien
ne m’a tant pleu que de voir qu’on mouroit aussi bien
à Rome, que par tout ailleurs. Que la Cour n’est qu’vn
pas plus glissant à la mort, qu’apres y auoir vescu tant
qu’il a pleu à Dieu & au Prince, ie ne me trouue heureux
finallement que d’estre mort entre les bras de mes
Superieurs, d’auoir par vne speciale misericorde de
mon Dieu, auec les Sacremens de Confession & d’Extresme
vnction receu l’indulgence. Apostolique par
la bouche & par la main de mon General : d’estre icy
en terre parmy mes Freres, & de laisser à ceux qui prendront
la peine de reflechir sur ma vie cette instruction
importante de S. Isidore ; Homines proni ad voluptatem,
tardi ad sapientiam, veloces ad mortem, de præteritis
auidi, de præsentibus exigui, de futuris incerti O