[retour à un affichage normal]

Mazarinade n° C_10_41

Image de la page

Anonyme [1649], LA VENGEANCE EQVITABLE, CHARITABLE, ET PERMISE, SELON LES LOIX DIVINES & humaines, que Messieurs du Parlement, & les Habitans de Paris, veulent & doiuent prendre du mauuais Ministre d’Estat. , françaisRéférence RIM : M0_3916. Cote locale : C_10_41.

Or pour nous éclaircir des difficultez que l’on pourroit faire
sur la qualité de cette action, & pour determiner si la vengeance
est bonne ou mauuaise, permise ou defenduë : nous deuons
considerer les mouuemens & les intentions de celuy qui la
pratique. Car si celuy qui se venge n’a point d’autre but que
de faire du mal à la personne dont il se veut venger, & s’il conduit
& rapporte son action à cette seule fin qui repugne mesmes
à l’humanité, il n’y a point de doute que son dessein ne soit
mauuais, & sa vengeance illicite : parce que se plaire & se resiouyr
du mal de son prochain, de telle part qu’il luy arriue, est
vne action de haine, qui repugne à la charité, & à l’amour que
nous deuons auoir pour tous les hommes.
Ce n’est pas vne cause legitime de faire mal à autruy, pource
qu’il nous en a fait ; non plus que de hayr quelqu’vn à cause
qu’il ne nous aime pas : dautant que la Loy de Dieu, ny la vertu
morale ne nous permettent pas de faire vne iniustice enuers
celuy qui le premier nous en a fait vne.
Mais si l’intention de celuy qui se venge se rapporte premierement
& particulierement à quelque bien, si par le moyen
de son action celuy qui l’a offensé peut faire profit de la peine
qu’il luy retribuë ; ou s’il se venge pour la consideration du
repos, pour la conseruation de la Iustice, ou pour l’honneur
de Dieu : Ces particularitez font approuuer sa vengeance, &
le mal qu’il fait souffrir, deuient vn bien par la charité qu’il
exerce.
C’est pourquoy nous deuons croire que la vengeance d’elle
mesme & de sa nature est vne chose bonne, & que la seule volonté
de l’homme preoccupée de la haine, ou de quelque autre
passion, change sa qualité. Et de fait, si nous n’auons point
d’inclination naturelle & determinée à quelque chose, qui ne
se rapporte & qui ne soit poussée & excitée par quelque vertu
particuliere, il faut aduoüer que la vengeance est vne vertu à
part & separée des autres ; puisque nous auons vne particuliere
inclination de nature à repousser ce qui nous nuit, & que
nous repoussons le mal non seulement, lors que nous empeschons
qu’on ne nous face vne iniure : mais aussi lors que nous
nous vengeons de celles que nous auons receuës auec intention