[retour à un affichage normal]

Accueil > recherche > Affichage d'une occurrence en contexte

Mazarinade n° A_4_17

Image de la page

Balzac, Jean-Louis Guez de [?] [1649], LA HARANGVE CELEBRE FAITE A LA REYNE SVR SA REGENCE. , françaisRéférence RIM : M0_1544. Cote locale : A_4_17.


le temps ce sera vne paix riche & liberale, inuentiue
& spirituelle, fleurissante en arts & en cognoissances.
Pompeuse & superbe par la magnificence publique,
couronnée des mesmes rayons de gloire &
de la mesme splendeur que la paix du Roy Salomon,
que celle de l’Empereur Auguste, que celle de Henry
le Grand, beau-pere de vostre Majesté.
 
Il y a bien du chemin à faire pour en venir là. Mais
cependant cette paix, Madame, remettra les choses
en leur place, tiendra en parfaite vnion la Maison
Royale, sera ialouse de sa grandeur, & soigneuse de
ses aduantages, la fera reuerer par toutes les autres
Maisons souueraines ; elle ne souffrira point de comparaison
auec la race & le sang de S. Louis ; elle sçaura
separer de tout ce qui s’appelle Prince, Monseigneur
le Prince de Condé, & recognoistra par des
marques singulieres & par des honneurs choisis, le
sacré caractere de sa naissance, son affection au bien
de l’Estat, l’assiduité, le merite & la necessité de ses
seruices.
Elle tirera particulierement hors de pair la personne
de Monseigneur le Duc d’Orleans, de la vertu &
fidelité duquel vostre Majesté a tousiours esté asseuree,
comme auiourd’huy personne n’en doute, car il
est certain que le premier iour de vostre Regence
iustifia glorieusement sa cõduite & ses actiõs passees ;
les paroles qu’il dit au Parlement en vostre presence
feront taire à iamais la calomnie, & condamneront
la memoire des calomniateurs. Et qui ne veit ce iour
là par le bon exemple qu’vn si grand Prince donna