[retour à un affichage normal]

Accueil > recherche > Affichage d'une occurrence en contexte

Mazarinade n° A_4_29

Image de la page

Bourbon-Vendôme, François de / duc de Beaufort [?] [1649], HARANGVE FAITE PAR MONSEIGNEVR LE DVC DE BEAV-FORT, Aux Soldats Parisiens. , françaisRéférence RIM : M0_1603. Cote locale : A_4_29.


à vous tenir chers comme mes propres yeux, à
mesnager vostre vie comme la mienne, & me
joindre auec vous de pareille fortune. Vous ne
mettez pas en doute les obligations que i’ay à ce
braue Senat & à cette grande ville de Paris, j’ay
eu cet aduantage d’y estre plaint lors de ma detention,
& ie tiens que leurs vœux & leurs prieres
ont fait le grand coup de ma sortie. Et la tenant
toute de Dieu, & d’vn miracle, ie ne mets
point en doute que sa prouidence ne m’aye ordonné
pour vous seruir, & vous proteger contre
les ennemis du Roy & de l’Estat. Enfin assurez-vous
que comme sa toute-puissance demande
que nous cooperions auec luy, que i’agiray
maintenant de toutes mes forces pour vous seruir,
que ie ne tromperay ny vos esperances ny
vos desirs, & que ie sacrifiray pour le maintien
& le restablissement de cet Estat tout ce que i’ay
de fortune & de vie. C’est pourquoy mes chers
compagnons, puisque la saison est commode
trauaillons iour & nuict à reduire en veritables
effets ce qu’on a esperé de nous, nous auons la
cause de Dieu & du Roy entre les mains, du
plus Auguste Senat, & du plus grand peuple du
monde, faisons en sorte qu’il ne nous soit pas
reproché, que par nostre nonchalence nous
l’ayons laissée perdre. Nous auons affaire à des
ennemis foibles, mais temeraires, mesnageons