[retour à un affichage normal]

Accueil > recherche > Affichage d'une occurrence en contexte

Mazarinade n° B_9_9

Image de la page

Bourbon-Vendôme, François de / duc de Beaufort [?] [1652], LA DECLARATION DE MONSEIGNEVR LE DVC DE BEAVFORT, Enuoyée à Messieurs de Parlement. , françaisRéférence RIM : M0_884. Cote locale : B_9_9.


M’ayant fait l’honneur de me choisir
pour estre son Lieutenant, i’ay accepté
cette charge, auec dautant plus de satisfaction
que i’espere en luy rendant du seruice
obliger toute la France, & singulierement
employant mon Espée à la manutention
de la justice, au soulagement des peuples,
& à la destruction de l’ennemi commun
de tous les gens de bien. Quelque effort
que le parti Mazarin ait peu faire pour decier
les armes de Son Altesse Royale, neantmoins
il n’a iamais peu persuader, ni ne
persuadera iamais qu’elles soient ou criminelles
ou contre le seruice du Roy. Ie
suis certain que tous les veritables François
sont du tout persuadez que Son Altesse
Royale, & moi aimerions mieux mille
fois mourir que d’auoir la seule pensée de
choquer l’authorité Royale, mais nous ne
pouuons point souffrir que cét Estranger
dissipe les biens du Royaume qu’il persecute
l’innocence d’vn premier Prince de
Sang, & qu’il nous priue des affections de
nostre Monarque que nous estimons la
source de nostre bonheur & le comble de
nostre felicité. Vn Roy genereux ne craindra