[retour à un affichage normal]

Mazarinade n° A_2_8

Image de la page

Du Pelletier, Pierre [1649], ACTION DE GRACE DE LA FRANCE AV PRINCE DE LA PAIX Monseigneur le Duc de Beau-fort. Par le sieur D. P. , françaisRéférence RIM : M0_27. Cote locale : A_2_8.

digne de ta compassion, chere Patrie ayé pitié de la
douleur qui m’oppresse, ne me denie-t’on assistance,
puisque le sang royal t’y oblige, & mes detresses
l’y conuient.
 
On parlera a iamais de ces plaintes lugubres de ce
funeste cercueil, & toutes les nations du monde auront
cognoissance de cette Isle maudite, qui n’enferme
que des Leopards & des Lions rugissans &
carnassiers, qui arrachent la vie à la plus noble creature
de l’Estat Britanique.
Retirez vous prophanes esprits, Enfans de male
diction, engeance de vipere, germe de tout crime,
parque plutonique, Geans insolens, Milors impitoyable,
tygres implacables, ta rage a excedé celle
du demon, ta ferocité celle des brutes, ta perfidie
celle de Iudas, tu as violé les promesses de fidelité
en déthrosnãt ton Roy, ton Prince & ton Seigneur,
tu luy as fait ressentir les traits de ta barbarie, tu as
deployé sur cét innocent Prince, tes plus noires
Pancartes, tu luy as fait des loix toy qui les deuoit
receuoir, & pour le comble de ta furie infernale, tu
l’as exposé à la risée & sur vn tragique theatre ; tu as
exercé tes dernieres cruautez en luy faisant perdre
la vie. Laissons maintenant solitaire cette pauure
Reyne l’exemple de la posterité, & le triste depost
de la pitié, c’est vn abregé où ce voyent tous les malheurs
que les troubles & seditions meus par des tyrans,
l’ont plongée, que n’ay-ie le temps pour faire
ample expression que i’oy d’vne tempeste qui a produit
vn tel orage. Que ne suis-ie plus grand Orateur