[retour à un affichage normal]

Accueil > recherche > Affichage d'une occurrence en contexte

Mazarinade n° C_6_50

Image de la page

La Colombière, Marc de Vulson de [?] [1649], LA PARABOLE DV TEMPS PRESENT, Denottant les cruautez de Mazarin contre les François, & prophetisant la victoire de Messieurs du Parlement. , françaisRéférence RIM : M0_2674. Cote locale : C_6_50.



Ce bon Pere de famille promettant à ce Berger
pour le recompenser des peines & des soins
qu’il prendroit, de l’aimer tousiours, & de le fauoriser
en toutes choses : & qui plus est, il luy permettoit
de tirer & de garder pour soy le reuenu
qui luy prouiendroit toutes les années, par le
moyen du laict, de la laine & du sien, que les brebis
de ce troupeau produiroient. Ce qui estoit
suffisant de le nourrir & de l’entretenir tres abondamment.
Mais il luy defendit tres-étroitement,
& sur de grandes peines, d’en égorger
aucune : car il s’en vouloit reseruer la chair, declarant
expressément, qu’il luy en demanderoit
toutes les années le veritable compte.
Et pour encore mieux obliger ce Berger, le
Pere de famille luy promit de le laisser Pasteur &
Gardien de son troupeau toute sa vie ; & qu’apres
luy, ses enfans masles luy succederoient en
ceste charge à l’infiny, sans qu’on en pust prendre
aucun autre, tant que ceux de sa race dureroient.
Or il est arriué, que ce Pere de famille viuant
tousiours, plusieurs de ces Bergers sont morts les
vns apres les autres, le dernier desquels a laissé
deux enfans masles fort ieunes, qu’il recommanda
à sa femme auparauant que mourir, & la supplia
d’en auoir grand soin, & de vouloir prendre
aussi la conduitte du troupeau de brebis, en attendant
que l’aisné de ses deux enfans fust assez