Mazarinade n° E_1_49
Image de la page
Louis (XIV), De Guénégaud [signé] [1649], DECLARATION DV ROY, par laquelle les Princes, Ducs, Seigneurs & leurs adhérans qui ont pris les armes contre son seruice, sont declarez criminels de Léze-Majesté, s’ils ne se rendent pres de sa personne dans trois iours apres la publication d’icelle. , françaisRéférence RIM : M0_919. Cote locale : E_1_49.
de nous, & qu’ils retourneront dans l’obeissance de
leur legitime Prince, pour cõbattre nos ennemis plustost
que de fortifier leurs armes. Cependant nous croyons
estre obligez de les inuiter à se rendre à leur deuoir, & de
leur commander de venir au plustost pres de nous, pour y
receuoir les effects de nostre generosité, & de nostre
amour, qui veut plustost conseruer ses sujets que de les
perdre. Que s’ils mesprisent nostre commandement,
nous sommes resolus de leur faire porter les peines que
merite leur desobeyssance, & de nous seruir de l’authorité
que Dieu nous a donnée pour les declarer criminels
de Leze Majesté. A CES CAVSES, de l’aduis de la
Reyne Regente nostre tres honorée Dame & Mere, de
nostre tres-cher, & tres amé Oncle le Duc d’Orleans, de
nostre tres-cher, & tres amé Cousin le Prince de Condé,
& des autres Princes, Ducs, Pairs, Officiers de la Couronne,
& autres grands Seigneurs estans pres de nous.
Et de nostre certaine science, plaine puissance & authorité
Royalle, Nous auons par ces presentes signées de nostre
main, déclaré & declarons le Prince de Conty, le Duc
de Longueville, le Duc d’Elbœuf, le Prince d’Arcourt, de
Rieux de Lislebonne, le Duc de Beaufort, le Duc de Boüillon,
le Duc de Brissac, le Mareschal de la Motte, le Prince
de Marsillat, les Marquis de Noirmonstier, de Vitry, &
autres leurs adhérans & complices, attaints & conuaincus
du crime de Léze Majesté, pour leur rebellion & desobeyssance
notoire : Et comme tels les auons priuez dés à
present de tous honneurs, charges, gouuernemens, dignitez
& benefices qu’ils possedent dans nostre Royaume.
Ordonnons que leurs biens demeurent à nous acquis &
confisquez & reünis à nostre Couronne, si dans trois iours
Image de la page