[retour à un affichage normal]

Mazarinade n° A_9_14

Image de la page

Louis (XIV), De Guénégaud, Guyet [signé] [1650], DECLARATION DV ROY, PORTANT ABOLITION GENERALE de ce qui s’est passé en la Ville de Paris l’vnziéme Decembre dernier mil six cens quarente-neuf. Verifiée en Parlement le douziéme May mil six cens cinquante. , françaisRéférence RIM : M0_921. Cote locale : A_9_14.

des bons Princes, & qu’estans l’Image de Dieu sur
la terre, ils doiuent, autant qu’ils peuuent, pardõner
à leurs Subjets, & ne les point traitter par rigueur
de Iustice : Ce que nous faisons d’autant plus volontiers,
b/> que nous y sommes portez par nostre inclination
naturelle, l’Education & les Conseils de la
Reyne Regente, nostre tres-honorée Dame &
Mere, & par l’exemple des Roys derniers decedez,
nos Tres-honorez Seigneurs, Pere & Ayeul, qui
apres auoir reduit leurs Subjets à l’obïssance par la
force, & à la gloire de leurs Armes, les ont traittez
par clemence & par grace, & ont mieux aymé regner
comme Peres de leurs Peuples, que comme
Roys Triomphans & Vainqueurs. A CES
CAVSES, & pour autres grandes considerations
à ce nous mouuans, prejugeans bien de tous nos
Subjets, & nous confians en leur affection & fidelité ;
deuëment informez des choses susdites, &
pour les couurir d’vne Amnistie generale, & d’vn
oubly perpetuel, De l’Aduis de la Reyne regente
nostredite Dame & Mere, & de grace speciale, plaine
puissance & authorité Royale, Nous auons
esteint, supprimé & aboly, & par ces presentes signées
de nostre main, esteignons, supprimons &
abolissons lesdits cas & crimes, & la memoire &
recherche de ce qui s’est passé en nostre bonne
Ville de Paris ledit iour vnziéme Decembre dernier,
deuant & apres iceluy, mesme depuis nostre
Declaration du mois de Mars mil six cens quarente-neuf
iusques à present, pour exciter sedition, émotions