[retour à un affichage normal]

Accueil > recherche > Affichage d'une occurrence en contexte

Mazarinade n° A_4_31

Image de la page

M. [1649], HARANGVE ROYALE prononcée deuant leurs MAIESTEZ A COMPIEGNE. , françaisRéférence RIM : M0_1612. Cote locale : A_4_31.


l’authorité d’vn Sceptre, s’ils ne cognoissent son excellence
& qu’ils ne voyent les rayons qui l’enuironnent ;
& auec quel fondement voulez-vous qu’ils adorent
vn Diademe, s’ils ne trouuent dans son merite le sujet
de leur veneration. Si les plus sages, comme les plus
grands Princes de l’Antiquité, se sont donnez le nom
de Diuinité, ça plustost esté par vne maxime d’Estat, &
par vne Politique iudicieuse & prudente, que par vn
orgueil insupportable & vn trop grand estime d’eux-mesmes.
Ils iugeoient que pour donner de la creance
aux Peuples qu’ils gouuernoient, il estoit à propos que
tout fut extraordinaire en leurs personnes, & que leurs
actions aussi bien que leur nom eussent du rapport
auec la Diuinité, dont ils estoient les images & dont ils
representoient la Souueraineté. Ainsi les Peuples n’osoient
contredire vne puissance qui venoit du Ciel, &
ils apprehendoient de plus rudes chastimens de leur
desobeïssance, s’ils offençoient vn Prince de qui les
Dieux prenoient le party & les interests. Saporse disoit
frere du Soleil & de la Lune. Alexandre se faisoit
nommer hautement Dieu. Metellus vouloit qu’on luy
dressast des Autels, & qu’on luy offrit de l’encens. Caligula,
dit Philon Iuif, receuoit librement des adorations,
& mesme auoit commandé qu’on esleuast dans
le Sancta du Temple de Ierusalem, vne statuë portant
son Image auec cette inscription ; figure du nouueau
Iupiter. Cesar s’est vanté autrefois qu’il partageoit son
Empire auec celuy de Iustin, que sa puissance n’auoit
pas moins d’estenduë que la sienne, & que son Domaine