[retour à un affichage normal]

Mazarinade n° A_4_31

Image de la page

M. [1649], HARANGVE ROYALE prononcée deuant leurs MAIESTEZ A COMPIEGNE. , françaisRéférence RIM : M0_1612. Cote locale : A_4_31.

des Cieux. Comme ce n’est rien dire de Dieu, que de
l’appeller vn estre Souuerain, si nous ne disons encor
qu’il est independant, absolu, infiny, tout puissant, tout
sage, immortel, la bonté par essence, la source de toutes
les beautez, l’origine de toutes les perfections, le
principe, le commencement, le centre & la fin de toutes
choses. Ainsi, grand Prince, ce seroit en quelque
façon diminuer l’excellence de vos merites, que de dire
seulement ce que la nature & vostre naissance vous
ont fait estre ; Si nous ne disons dauantage ce que la
grace vous peut perfectionner & ce que la pieté vous
peut rendre. Ie sçay, grand Prince, que le mesme Soleil
qui éclaira vostre naissance, admira dés lors la saincteté
de vos inclinations ; Que le mesme iour qui vous
mist au monde, vous engendra au Ciel ; Que vous estes
le parfait chef-d’œuure de la grace, vn miroir de saincteté,
vn modele de vertu, vn racourcy de toutes les
merueilles de Dieu, & vn abregé de ses perfections ;
Que l’on peut iuger du comble de vostre vertu, par les
fondemens de vostre pieté : & que le Ciel ayant fait des
miracles en vostre naissance, il doit continuer à rendre
vostre vie glorieuse & vos actions admirables. Neantmoins
ie puis dire que toutes ces grandeurs ne sont
qu’vn eschantillon de celles que vous deuez posseder,
& qu’il faut pour parler dignement de vostre Royale
personne, en remarquer tous les auantages en particulier.
Que seruiroit à vos Sujets de sçauoir que vous portez
vne Couronne, s’ils ignorent d’où elle tire son esclat
& sa splendeur ; comment pourront-ils respecter