[retour à un affichage normal]

Mazarinade n° D_2_36

Image de la page

M. L. [1650], DISCOVRS ET CONSIDERATIONS Politiques & Morales SVR LA PRISON DES PRINCES DE CONDÉ, CONTY, ET DVC DE LONGVEVILLE. , françaisRéférence RIM : M0_1120. Cote locale : D_2_36.

Entrons plustost dans l’admiration des jugemens de Dieu
sur ce malheureux Prince. Toute la prudence, de luy, du
Prince de Conty & du Duc de Longueville n’a pû l’éuiter.
La deffiance qui preuient les accidens n’a de rien seruy en
cette occasion. Le Duc de Longueville qui auoit quelque
pressentiment de celuy-là n’a pas laissé de le souffrir, & le
Prince de Condé qui en estoit assez aduerty, s’en mocquoit.
La grande oppinion qu’il auoit de luy, ne luy permettoit pas
de crainde personne. Il s’imaginoit que toutes choses deuoient
suiure le train de ses volontez, & peut estre il ne
croyoit pas que le Ciel fust au dessus de sa teste. Mais, enfin,
cette haute presomption est renuersée, il a perdu sans doute
cette vaine image de son pouuoir, & l’experience luy a
fait sçauoir ce que sa gloire ne luy permettoit pas de comprendre.
Tous trois ils ne sont pas à se repentir de leur aueugle preuoyance ;
ou plustost il ne sont pas à confesser qu’on n’a rien
à preuoir contre le destin. Sa puissance renuerse toute autre
sorte de puissance, & nulle sorte d’adresse ny de force ne luy
sçauroit iamais resister. Il y a vne certaine infaillibilité dans
les choses qu’il a determinées, de laquelle personne ne se
peut garentir. Nous-mesmes bien souuent nous trauaillons
& nous sommes les instrumens de nostre propre ruine s’il l’a
resoluë ; nous courons à la mort s’il faut mourir : & quelques
efforts que l’on fasse pour nous en distraire, nous sommes
contre nos amis & contre nous-mesmes de cruels & d’inuinsibles
ennemis. Cesar mesprisa les larmes de sa femme que
les horreurs d’vn songe instruisoient ocultement de son malheur.
Luy-mesme en allant au Senat, receut des aduertissemens
qui ne pûrent l’empescher de s’y rendre, & de receuoir
la mort violente que Brutte le plus cher de ses amis, & plusieurs
autres Romains auoient conjurée Le Mareschal de
Biron fust cent fois aduerty de n’aller pas à la Cour, mais rien
ne peust l’en n’empescher ; il y alla, & il y receut par l’ordre
du meilleur & du plus grand des Roys le iuste supplice qu’auoient
merité tous ses crimes. Enfin, comme ce que nous