Mazarinade n° C_5_37
Image de la page
Molé, Mathieu [1649], HARANGVES FAITES A LA REYNE REGENTE. PAR MONSEIGNEVR LE premier President du Parlement. , françaisRéférence RIM : M0_1614. Cote locale : C_5_37.
deffiance & dé ces iniustes soupçons ? Mais les accusateurs meritent bien
mieux cette qualité que les accusez, qui n’ont eu iamais que du respect &
de l’obeïssance pour le Roy, & vne inuiolable fidelité, qu’ils ont perpetuellement
tesmoignée en toutes les occasions. Et il est à craindre que ce coup
porté contré l’Authorité du Parlement, ne porte son contre-coup contre
l’Authorité Royale. Nous sommes obligez de faire entendre à vostre Majesté,
que ces mesmes personnes qui ont celé l’exemple de l’année 1618. en
laquelle l’on s’estoit assemblé pour le mesme dessein ; pour les affaires publiques ;
mesmes pour les rentes des Aydes, & pour les deniers de Police. Et
d’ailleurs tous les Registres sont remplis, & chargez d’exemples pareils,
d’assembler toutes les Compagnies par l’ordre du Parlement, & lors le Roy
l’auoit voulu empescher : mais apres auoir approuué leur assemblée, & tout
ce qui s’estoit passé, il auoit mesme recompensé ceux qui en auoient fait la
meilleure partie, ayant bien recogneu qu’il ne s’y estoit rien fait que pour le
bien de son seruice & le repos de son Estat. Il est bien estrange qu’vne mesme
cause, qui a produit autresfois des recognoissances & des recompenses,
ne produise à present que des menaces, des rigueurs & des soupçons, quoy
que ceux qui doiuent faire cette assemblée ayent le mesme zele, le mesme
respect, & la mesme affection au bien de l’Estat. Quand veritablement nous
pensons à cette esleuation, dont nous ne pouuons nous ressouuenir, sans
douleur, à ce theatre, à ce throsne, & autres pompes preparées pour le triomphe
de nostre innocence, deuant laquelle, en presence des Princes, & des
plus grands du Royaume, le premier du Parlement a fait vne espece d’aman
le honorable : Nostre zele & nostre innocence ayans esté accusez, nos
Arrests des treize May & quinze Iuin ayans esté cassez par celuy du Conseil,
apres y auoir esté publiquement leus & [1 mot ill.]par des termes iniurieux.
Comment apres cela la Iustice peu maintenant considerée ? Car comme vne
paille qui se rencontre dans le diamant fait que l’on en diminuë le prix, puis
qu’elle en este toute la lumiere esclatante. Aussi le peuple ne fera plus de
cas de ce premier Parlement de France, apres les desplaisirs qu’il a receus
aux yeux de tous les Princes & plus grands du Royaume. Nous sommes
obligez, Madame, pour l’honneur de la Regence (seule consideration pour
laquelle nous l’auons soufferte) de faire entendre à Vostre Majesté, que
nous sçauons bien que cette iniure ne procede de vostre part, vostre vertu,
vostre pieté, vos sentimens & vos inclinations, estans absolument esloignez
de ces violences. Et aussi nous tenons tout asseuré que vous serez
bien-tost desabusée à l’aduantage du Parlement ; La fausseté de ces mauuais
conseils, & l’iniustice de ces impressions dans la fidelité de nos seruices, à la
honte & à la confusion de ceux qui vous les ont donnez. Le Parlement,
Madame, ma chargé de vous faire entendre la Iustice de son Arrest, & de
vous supplier tres-humblement de faire supprimer l’Arrest du Conseil du
seize Iuin, donné contre luy, & trouuer bon que ses Arrests subsistent dans
l’execution, & de donner vne declaration de l’innocence du Parlement iniustement
accusé & iniurié. Nous ne fairons rien dans l’assemblée qui tiendra
que pour le bien, & le seruice du Roy, & le repos de son Estat. Nous
Image de la page