[retour à un affichage normal]

Accueil > recherche > Affichage d'une occurrence en contexte

Mazarinade n° B_4_1

Image de la page

Molé, Mathieu [1649], HARANGVES FAITES A LA REYNE REGENTE. PAR MONSEIGNEVR LE premier President du Parlement. , françaisRéférence RIM : M0_1614. Cote locale : B_4_1.


mesme dessein, pour les affaires publiques ; mesmes pour
les rentes des Aydes, & pour les deniers de Police, &
d’ailleurs tous les Registres sont remplis, & chargez
d’exemples pareils, d’assembler toutes les Compagnies
par l’ordre du Parlement, & lors le Roy l’auoit voulu
empescher : mais apres auoir approuué leur assemblée,
& tout ce qui s’estoit passé, il auoit mesme recompensé
ceux qui en auoient fait la meilleure partie, ayant bien
recogneu qu’il ne s’y estoit rien fait que pour le bien de
son seruice & le repos de son Estat. Il est bien estrange
qu’vne mesme cause qui a produit autresfois des recognoissances
& des recompenses, ne produise à present
que des menaces, des rigueurs & des soupçons, quoy
que ceux qui doiuent faire cette essemblée ayent le mesme
zele, le mesme respect,& la mesme affection au bien
de l’Estat. Quant veritablement nous pensons à cette éleuation,
dont nous ne pouuons nous ressouuenir, sans
douleur, à ce theatre, à ce throsne, & autres pompes preparées
pour le triomphe de nostre innocence deuant laquelle
en presence des Princes,& des plus grands du
Royaume, le premier Parlement a fait vne espece d’amande
honnorable : nostre zele & nostre zele & nostre innocence ayans
esté accusez, nos Arrests des treize May & quinze Iuin
ayans esté cassez par celuy du Conseil, apres y auoir esté
publiquement leus & diffamez par des termes iniurieux :
Comment apres cela la Iustice peu maintenant considerée ;
car comme vne paille qui se rencontre dans le diament
fait que l’on en diminuë le prix, puis qu’elle en oste
toute la lumiere esclatante. Aussi le peuple ne fera plus de
cas de ce premier Parlement de France, apres les desplaisirs