[retour à un affichage normal]

Mazarinade n° B_4_1

Image de la page

Molé, Mathieu [1649], HARANGVES FAITES A LA REYNE REGENTE. PAR MONSEIGNEVR LE premier President du Parlement. , françaisRéférence RIM : M0_1614. Cote locale : B_4_1.

qu’il a receus aux yeux de tous les Princes & plus
grands du Royaume. Nous sommes obligez, Madame,
pour l’honneur de la Regence (seule consideration pour
laquelle nous l’auons soufferte) de faire entendre à Vostre
Majesté, que nous sçauons bien que cette iniure ne procede
de vostre part, vostre vertu, vostre pieté, vos sentimens,
& vos inclinations estans absolument éloignez de
ces violences. Et aussi nous tenons tout asseuré que vous
serez bien-tost desabusée à l’aduantage du Parlement, la
fausseté de ces mauuais cõseils & l’iniustice de ces impressions
dans la fidelité de nos seruices à la honte & à la confusion
de ceux qui vous les ont donnez. Le Parlement,
Madame, ma chargé de vous faire entendre la Iustice de
son Arrest, & de vous supplier tres-humblement de faire
supprimer l’Arrest du Conseil du seize Iuin, donné contre
luy, & trouuer bon que ses Arrests subsistent dans l’execution,
& de donner vne declaration de l’innocence du
Parlement iniustement accusé & iniurié. Nous ne fairons
rien dans l’assemblée qui tiendra que pour le bien, & le
seruice du Roy, & le repos de son Estat. Nous vous coniurons
tres-ardamment de nous continuer l’honneur de
vostre bien-veillance auec protestation que nous sommes
tres-obeyssans & tres-fidelles seruiteurs.
  AVTRE HARANGVE.
MADAME,
Nous sommes venus icy pour tesmoigner à Vostre
Majesté, comme nous auons tousiours esté ses tres-humbles