[retour à un affichage normal]

Accueil > recherche > Affichage d'une occurrence en contexte

Mazarinade n° E_1_90

Image de la page

Monneraye [signé] [1649], ARREST DE LA COVR DE PARLEMENT de Rennes en Bretagne, contre le nommé Iulles Mazarin, & ses fauteurs & adherans, par lequel ils sont tous declarez criminels de leze Majesté, tous leurs biens acquis & confisquez. , françaisRéférence RIM : M0_345. Cote locale : E_1_90.


ARREST DE LA COVR DE
Parlement de Rennes en Bretagne, contre
le nommé Iulles Mazarin, & ses fauteurs
& adherans, par lequel ils sont tous declarez
criminels de leze-Majesté, tous leurs
biens acquis & confisquez.
EXTRAICT DES REGISTRES
de Parlement.

CE jourd’huy la Cour, les deux Semestres assemblez,
sur le rapport fait par le Procureur General
du Roy, de l’enleuement de la personne dudit Seigneur
Roy, la nuict du cinq au sixiesme iour du
present mois & an par le nommé Iules Mazarin de
nation Italienne, & sur la notorieté de fait des leuées
des Gens de Guerre & deniers en cette Prouince : Veu
aussi les Arrests du Parlement de Paris des huictiesme &
treiziesme desdits mois & an, A declaré & declare ledit
Iules Mazarin, ses fauteurs, adherans, criminels
de leze Majesté au premier chef, & perturbateurs du repos
public : Leur fait commandement de garder leur ban ordonné
par ledit Arrest du huitiesme Ianuier, sur peine de la
hart, auec confiscation de tous leurs biens, meubles & immeubles,
& mesmes des fruits des Benefices dudit Mazarin :
Fait deffenses à toutes personnes, de quelque
estat & qualité qu’ils soient, de leur donner retraite à peine
de descheance des priuileges de Noblesse, & d’estre declarez
incapables de tenir aucunes dignitez, & Offices
Royaux. ORDONNE qu’à la diligence dudit Procurent