[retour à un affichage normal]

Mazarinade n° B_2_11

Image de la page

N. P. T. [?] [1652], LA LETTRE ESCRITE AV ROY, PAR DES ANCIENS ESCHEVINS DE PARIS, Sur les asseurances d’vne bonne & veritable Paix generale, suiuant la Declaration de son Altesse Royale & de Messieurs les Princes du 22. Aoust 1652. & aussi sur le prochain Retour de sa Majesté en sa bonne ville de Paris. , français, latinRéférence RIM : M0_2213. Cote locale : B_2_11.

contredisons ? Pouuez vous voir des tristesses,
puisque vous apportez la joye par tout ? Vous diriez,
SIRE, que ces effets humains seroient des
desespoirs, s’il n’auoient vne cause diuine, & connoistriez
que le Ciel souffre auec les Parisiens,
quand ils pleurent l’absence de Vostre Majesté,
puisque qu’elle destruit les moyens que vostre sejour
en vostre bonne Ville vous donne, pour signaler
vne veritable Paix de toute la France, par
les hommages que luy rendront tous ses ennemis ;
si durant vostre regne Paris est honoré de
vostre presence, puis qu’il vous a pleu d’éloigner
l’objet des diuisions pour reünir vos Subjets
dans le cœur de vostre Royaume, pacifiant les dissentions
ciuiles, & r’amenant la face d’vn siecle
d’or, & l’image du regne d’Auguste tousiours victorieux
& pacifique ; Certes, les Romains comblerent
ce Prince de benedictions, quand il reuint
à Rome couronné de Lauriers, apres la defaite
de ses competiteurs, & l’execution de sa
vengeance sur les assassiins de son Oncle. Le Sauueur
du monde voulut naistre sous l’Empire de ce
grand Monarque, & honorer de sa presence la
terre qu’il rendit par la paix vniuerselle le vray
prototype du Ciel. La prouidence diuine, SIRE,
vous a choisi pour causer le mesme bon-heur à la
France, & r’amener vne paix glorieuse, pour confondre
ses ennemis, & les faire crever de despit,