[retour à un affichage normal]

Mazarinade n° B_14_32

Image de la page

Radigues [signé] [1652], ARREST DE LA COVR DE PARLEMENT, PORTANT INIONCTION A TOVS les subjects du Roy de courir sus & tailler en pieces les Troupes qui sont és enuirons de Paris & ailleurs, sans les ordres du Roy & contre son seruice. , françaisRéférence RIM : M0_330. Cote locale : B_14_32.

EXTRAICT DES REGISTRES
de Parlement.
SVR ce qui a esté remonstré par le Procureur
General du Roy, Qu’il a receu plainte que
les Trouppes assamblées depuis quelque
temps sans ordre du Roy & contre son seruice,
apres auoir sejourné à S. Cloud, Suresne
& lieux circonuoisins, & fait des degasts estranges
dans les villages des enuirons de Paris, ruiné entierement
la campagne, enleué les Moissons, gasté les Vignobles
de ces quartiers, & exigé des sommes immenses
de deniers des paysans pour se redimer d’vne entiere
ruine & desolation ; n’ont pas laissé de retourner
dans les Faux bourgs de Paris, où elles viuent auec la
mesme licence, & pretendent de là passer en d’autres
parroisses de la Brie & des enuirons de Paris, à la faueur
d’vn pont de batteaux qu’ils ont fait dresser sur la riuiere
de Seine, pour y continuer leur pillage & viure aux
despens des Subiets du Roy & contre son seruice : A
quoy estant important de pouruoir, tant pour le seruice
deub au Roy, que pour la conseruation de ses Subjects.
LADITE COVR a fait & fait inhibitions &
deffences à tous Subjets du Roy de receuoir lesdictes
Trouppes, ny autres, mesmes les Estrangeres sans l’ordre
exprés du Roy ou des Generaux de ses armées, &