[retour à un affichage normal]

Mazarinade n° C_1_7

Image de la page

Saint-Joseph (révérend père dom Pierre de = R. P. D. P. D. S. J.) [1649], CATECHISME DES PARTISANS, OV RESOLVTIONS THEOLOGIQVES touchant l’Imposition, Leuées & Employ des Finances. Dressé par Demandes & Responses pour plus grande facilité. , françaisRéférence RIM : M0_652. Cote locale : C_1_7.

puissance Souueraine.
 
D. Et quoy le Roy n’a-il pas le pouuoir de faire des
impositions & des leuées sur ses Peuples ?
R. Ouy. Aussi ne sçauroit-on tirer le cõtraire de ce que
nous venons de dire, où nous n’auons respondu qu’à la
folie des impies, qui voulant tout mettre en la liberté du
Roy & vie & biens, sans autre regle, ny raison, que sa seule
volonté, iustifieroient les cruautez des plus barbares, &
rendroient les plus cruels tyrans impeccables dans leur
conduitte. Ils peuuent donc imposer des contributions,
ils peuuent faire des leueés. Mais teusiours dans l’ordre
de la Iustice Chrestienne & dans les circonstances necessaires
pour faire quelles ne soient pas criminelles.
D. Enseignez nous qu’elles sont ces conditions ? car
c’est le poinct le plus important en cette matiere & sans
lequel, n’y estant pas instruits cõme il faut, nous ne sçaurions
à quoy nous resoudre dans les occurences qui se
peuuent presenter.
R. I’aduouë que cette question est de grande consequẽce
& bien necessaire ; Mais aussi vous diray-je qu’elle
en enueloppe & enferme tãt d’autres auec elle, que pour
luy donner tout le iour qu’elle demanderoit afin qu’il n’y
restat rien à expliquer, il faudroit composer vn volume
de plus de trẽte feüilles, Neantmoins pour vostre satisfaction
presente, en attẽdant peut estre que ie le fasse plus
à loisir, ie tascheray de l’esclaircir par quelques veritez
que ie proposeray sãs autre ordre que celuy auec lequel
elles se presenteront à ma memoire. Premierement. Que
comme diuers Royaumes peuuẽt estre regis par diuerses
Loix, ie ne traitte ces matieres que pour la France & par
les regles soubs lesquelles les François doiuent estre regis.