[retour à un affichage normal]

Mazarinade n° C_1_7

Image de la page

Saint-Joseph (révérend père dom Pierre de = R. P. D. P. D. S. J.) [1649], CATECHISME DES PARTISANS, OV RESOLVTIONS THEOLOGIQVES touchant l’Imposition, Leuées & Employ des Finances. Dressé par Demandes & Responses pour plus grande facilité. , françaisRéférence RIM : M0_652. Cote locale : C_1_7.

vous pourroit répondre, auec des distinctions
si alambiquées, que vous auriez de la peine à les conceuoir.
Et moy suiuant les Canons de l’Eglise & dans la
sincerité du Christianisme, ie vous responds simplement
que non, s’il ne veut luy mesme se charger de la restition,
qui en doit estre faite à son peuple, qui en a souffert
la violence & le larcin.
 
D. Quelle raison auez vous de cela, la chose n’est pas
de si petite consequence, qu’elle ne merite bien de la
sçauoir ?
R. Il faut supposer pour l’entendre, que lors que l’on a
dessein de faire des impositions & leuées sur le peuple
par la voye des Partisans, on fait vne masse commune de
ce qui est necessaire pour l’Estat, & de la part qu’il faut
pour ceux qui prennent le Party ; de maniere que s’il
faut par exemple trois millions de liures, pour subuenir
aux affaires, il en faut imposer quatre, afin que les Partisans
ayent leur part, & que le Roy aye tousiours, non
pas son compte, comme l’on parle, mais pour parler
plus Chrestiennement, ce dont il a besoin pour la manutention
de son Estat. Ainsi, comme le bien des peuples
n’est pas au Roy, & qu’il n’en peut prendre que
pour subuenir à la necessité & non pas dauantage : qui
ne voit qu’ayant tousiours ce qu’il luy faut, ce qui entre
dans la bourse des Partisans n’est point à luy, mais à ses
Sujets, ausquels il doit estre rendu, & duquel il n’a point
de puissance de les priuer, pour le laisser en la possession
& jouyssance de ces sangsuës inhumaines.
D. Ie voudrois bien sçauoir, quel est en ce point le
pouuoir des Magistrats ? peuuent-ils pas les remettre &