[retour à un affichage normal]

Accueil > recherche > Affichage d'une occurrence en contexte

Mazarinade n° C_1_7

Image de la page

Saint-Joseph (révérend père dom Pierre de = R. P. D. P. D. S. J.) [1649], CATECHISME DES PARTISANS, OV RESOLVTIONS THEOLOGIQVES touchant l’Imposition, Leuées & Employ des Finances. Dressé par Demandes & Responses pour plus grande facilité. , françaisRéférence RIM : M0_652. Cote locale : C_1_7.


le iour, pource qu’il adiouste à son peché vne circonstãce
odieuse, qui luy donne liberté sur la vie comme sur
les biens. Ainsi les pretextes dont on se sert, pour rauir les
biens des peuples, ne sont que des circonstances, pour en
rendre le crime d’autant plus grand qu’on a moins de
liberté de s’en deffendre & de les preuoir. Et si celuy qui
a trouué quelque chose, ne peut licitement la garder, ny
l’estimer legitimement sienne, qu’apres s’estre informé
à qui elle peut appartenir : à plus forte raison, les Partisans
qui ont le sang des pauures sont ridicules, s’ils se persuadent
qu’il leur appartient & qu’ils le peuuent retenir,
sous le pretexte qu’ils n’en sont pas recherchez, par les
raisons que vous auez proposées, ou telles autres qu’on
pourroit se figurer.
 
D. Peuuent-ils dénier, en estant interrogez par les
Iuges, à cause de leur honneur, dont il semble qu’ils feroient
perte s’ils confessoient la verité, ayant tousiours
esté dans l’estime de personnes de merite & de probité
sans se mesler de ces infames commerces ?
R. C’est vne question qui est en controuerse parmy
les Casuites & dont ils ne seront de long-temps d’accord,
pour ce qui concerne la Confession ou negation,
lors que l’honneur s’y trouue notablement & inseparablement
engagé. Cela neantmoins n’empesche pas, que
tous ne demeurent dans vn mesme sentiment, qu’il faut
absolument satisfaire à l’interest ciuil de la personne lezée,
quelque circonstance qui puisse empescher d’aduoüer
le fait, pour la conseruation de l’honneur. Ainsi
quand on fulmine vn Monitoire, pour la reuelation d’vn
vol fait la nuict, encore que le voleur ne soit pas tenu de