[retour à un affichage normal]

Mazarinade n° C_1_7

Image de la page

Saint-Joseph (révérend père dom Pierre de = R. P. D. P. D. S. J.) [1649], CATECHISME DES PARTISANS, OV RESOLVTIONS THEOLOGIQVES touchant l’Imposition, Leuées & Employ des Finances. Dressé par Demandes & Responses pour plus grande facilité. , françaisRéférence RIM : M0_652. Cote locale : C_1_7.

D. Les Officiers peuuent-ils entrer dans les Partis ?
R. Non, parce qu’ils sont Iuges, & que l’vne des
principales conditions d’vn bon Iuge, est d’estre entierement
des-interessé. Et s’il ne leur est pas permis d’estre
les Iuges des causes qui regardẽt leurs parens, à plus
forte raison ne peuuent-ils point cognoistre de celles,
où ils seroient engagez par leur propre interest.
D. Que diriez-vous donc de ceux qui ne se contentent
pas d’entrer en secret dans les Partis, mais qui en
outre se font donner des Commissions du Conseil, pour
cognoistre de tous les differens qui regardent le Party,
au preiudice de la iurisdiction des Iuges ordinaires ?
R. Ie dis que cette demande est si estrange, qu’elle
porte sa responce par l’horreur qu’elle imprime en la
proposant. Bon Dieu ! se pourroit il bien faire, qu’il y eust
des Officiers si peruertis d’esprit & perdus de conscience ?
Et neantmoins on le dit, & mesme dans Paris, &
qu’on l’a obserué dans le Party des Amortissemens sur
le Clergé. A quoy ie n’ay que les souspirs & les larmes
pour toute responce.
D. I’ay du déplaisir de vous auoir fait cette proposition ;
puisque vous en estes si viuement touché, ayant
bien iugé qu’elle n’estoit pas necessaire ; Et pour vous
diuertir de cette pensée, Dittes moy, s’il vous plaist, en
matiere de restitution, suffit il à ces Partisans & hommes
d’affaires qui traittent immediatement auec le Roy ou
auec ses Miaistres, de restituer ce qu’ils ont receu du biẽ
du peuple & qui est tourné en leur profit particulier. En
vn mot, ont-ils satisfait à la justice de Dieu, en rendant
ce qui est entré dans leurs coffres ?