[retour à un affichage normal]

Accueil > recherche > Affichage d'une occurrence en contexte

Mazarinade n° A_1_94

Image de la page

Anonyme [1649], DECLARATION DV ROY, PORTANT INTERDICTION de la Cour de Parlement de Bordeaux. Du douziesme Iuillet 1649. , françaisRéférence RIM : M0_929. Cote locale : A_1_94.


sçeante & assemblée, leur signifier les presentes
nosdites lettres d’interdiction, luy
faisant commandement d’y obeyr, & aux
Officiers d’icelle de sortir de ladite ville de
Bordeaux quatre iours apres la signification
des presentes, sur peine de desobeyssance,
& d’estre procedé contre eux comme rebelles
& contreuenans à nos commandemens.
ENIOIGNONS à nostre tres-cher &
bien amé Oncle le Duc d’Espernon de donner
main forte pour l’execution de nostre
presente Declaration, & à tous nos autres
Officiers & suiets d’obeyr aux ordres qui
leur seront faits & par luy donnez à cet effet ;
Car tel est nostre plaisir. En tesmoin dequoy
nous auons fait mettre nostre scel à ces presentes.
Données à Compiegne, dattées le 12.
iour de Iuillet l’an de grace mil six cens quarente
neuf, & de nostre regne le septiesme,
Signé Louys. Et plus bas par le Roy, la Reyne
Regente sa Mere presente. Philippeaux,
& scellé du grand sçeau de cire iaune.
 
L’an mil six cens quarante neuf le vingt-quatriesme
iour de Iuillet par nous Pierre Quicquebœuf,