[retour à un affichage normal]

Mazarinade n° D_1_34

Image de la page

Voysin, Joseph [?] [1650], HARANGVE FAITE AV PARLEMENT de Paris par Monsieur de Voysin, Conseiller Deputé du Parlement de Bourdeaux. Ensemble l’Extraict des Registres, contenant la Deliberation du Parlement de Paris. , françaisRéférence RIM : M0_1579. Cote locale : D_1_34.

& de prophaner vne Eglise ; & ayant esté porté par
vn Prestre sur le Bureau de la Chambre ou le Parlement
estoit assemblé, nous auons veu nostre Dieu
nostre Iuge venir demander justice aux hommes de
tous ces sacrileges, la justice ne luy a pas encore esté
faite, nous auons veu en suitte le sang Royal, j’en
dois parler auec toute sorte de respect, nous auons
veu Madame la Princesse & Monsieur le Duc d’Anguien
son fils venir au bout du Bureau demander
d’estre mis sous la sauuegarde du Roy & de sa Iustice ;
de sorte que ie puis dire que nostre Bureau a esté
le lieu ou le Ciel s’est venu joindre à la terre ; dans la
deliberation qui fut prise sur la Requeste presentée
par Madame la Princesse, le Registre a esté fait & m’a
esté mis en main pour vous le presenter : Dans ce
temps que nous nous promettions de pouuoir jouïr
d’vne paix si justement establie, la detention de
Messieurs les Princes a esté le sujet de nouueaux desordres,
vne si longue prison sans vouloir permettre
qu’on examine leurs actions, contre les termes de la
derniere Declaration, a fait naistre diuers partis qui
se sont formés dans la Prouince & dans le Royaume,
& font apprehender vn desordre general s’il
n’estoit pas loisible de justifier ou condamner s’ils
sont coupables, des personnes si cheres & si considerables
à l’Estat, lesquels estans nais sujets du Roy,
sont nais sujets aux Loix, & doiuent estre jugés par