[retour à un affichage normal]

Mazarinade n° D_1_34

Image de la page

Voysin, Joseph [?] [1650], HARANGVE FAITE AV PARLEMENT de Paris par Monsieur de Voysin, Conseiller Deputé du Parlement de Bourdeaux. Ensemble l’Extraict des Registres, contenant la Deliberation du Parlement de Paris. , françaisRéférence RIM : M0_1579. Cote locale : D_1_34.

qui s’attachent à la qualité, laquelle est tousiours
auec la personne, ont pour tout objet l’honneur &
la gloire de leur Roy, aussi par vn contrecoup sa
Majesté leur cõmunique ce rayon de son pouuoir,
comme fit le Fils de Dieu au premier de ces Apostres,
Pasce ques meas. Dans cette difference d’amour
& de respect pour le Roy, il y en a qui n’ont
d’autre pensée que pour leur interest, que pour se
maintenir dãs leurs Gouuernemẽs, & agrandir leur
fortune ; les autres, comme les Parlemens n’ont
d’autre ambition que de soustenir l’autorité Royale,
c’est pour cette consideration que le soing des
peuples leur a esté commis, & qu’ils doiuent respondre
de l’estat du bien public, & il est à craindre
que, Dispergantur oses si percutiantur pastores, c’est à
quoy on a trauaillé l’espace de plusieurs années, &
voulu affoiblir l’autorité des Parlemens ; & apres
auoir esté se semble remis dans leur premiere autorité
par les dernieres Declarations voyans renaistre
les maux par l’infraction de la paix qu’il auoit
pleu à sa Majesté de nous donner, par les exactions
faites depuis la paix par Monsieur d’Espernon, par
les demolitions & bruslemens des maisons, par les
sacrileges, meurtres des femmes & enfans, par les
assassinats commis en la personne des Huissiers du
Parlement executans ses Arrests, & par les entreprises
des nouueaux Intendants enuoyés dans les Prouinces