[retour à un affichage normal]

Mazarinade n° B_6_10

Image de la page

Anonyme [1652], LA VERITABLE RESPONCE AV PRETENDV MANIFESTE DE MONSIEVR LE PRINCE. , françaisRéférence RIM : M0_3953. Cote locale : B_6_10.

donner, & qu’ainsi l’on n’a peu traitter auec luy, &
puisque sa parole donnée conjoinctement aussi à Son
Altesse Royale, de mettre les armes bas, & de faire
sortir les Estrangers hors du Royaume si tost que le
Cardinal seroit party, n’a point esté executée.
  <p>En la troisiesme, il dit que l’on n’a blasmé en luy
que sa moderation ; si cela est ainsi l’on à donc trouuées
toutes faites les volleries, pilleries, embrazemens,
sacrileges, assassinats, meurtres, & cruautez
commises par ses troupes sans aucune iustice de sa
part, & l’on n’a point iamais blasmé sa moderation,
puis que l’on a tousiours bien conneu que s’il ne faisoit
pas plus de mal, & plus de reuolte, c’est qu’il n’en
pouuoit pas faire dauantage, & qu’il a descouuert trop
sa passion, quant il a voulu faire peur au Parlement,
lors qu’ils furent mal-traittez, & à la Ville, lors
que le feu fut mis à son Hostel, & qu’il auroit bien
fait passer outre, & mettre main basse en despit de
ce qu’on n’auoit pas ouuert assez tost à son bagage
la Porte Sainct Honoré, & refusé l’entrée à ses
Trouppes Estrangeres dans la Ville, sans la crainte
qu’il a tousiours eu que le peuple ne souffriroit pas
le sang respandu & vne violence si extraordinaire, ainsi
tousiours la crainte, & la moderation à retenu son
bras & celuy de ses emissaires.
4. Il dit qu’il n’a iamais parlé à Paris que par ses
actions. Et il s’oublie de ses pauures Colporteurs &
batteurs de paué, qui ont tant couru tous les iours
pour debiter ses pensées, ses desseins, ses victoires, &
ses aduantages imaginaires. Il ne se souuient pas de ces
langues mercenaires qu’il acheptoit pour parler au
bout des ruës & sur le Pont–Nenf, & debiter ses belles
entreprises, & les mensonges continuels dont ils ont
tasché d’abuser tousiours la populace insques à vn
tel point, que les plus simples femmes des Halles
s’en sont lassées. Pour ue point parler des fortes Harangues
& discours bien raisonnez de Monsieur de
Beaufort à la Place Royale, & du Prince si souuent